दुर्घटनामा परेर मोटरसाइकल चालकको मृत्यु

काठमाडौं । चितवनमा मोटरसाइकल दुर्घटनामा परेर एक जनाको मृत्यु भएको छ । दुर्घटनामा परेर मोटरसाइकल चालक रत्ननगर नगरपालिका–५ का २८ वर्षीय आलोक महतोको मृत्यु भएको हो ।

बछौलीबाट झुवानीतर्फ जाँदै गरेको बा.प्र.०३–००२ प ५५०३ नं.को मोटरसाइकल गएराति रत्ननगरकै जनकल्याण चोकमा दुर्घटना हुँदा उनको मृत्यु भएको प्रहरीले जनाएको छ ।

प्रहरीका अनुसार, दुर्घटनामा परेर गम्भीर घाइते भएका उनको पुरानो मेडिकल कलेज भरतपुर पडाइएको उपचारको क्रममा मृत्यु भएको हो ।

उक्त घटनाको बारेमा प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।