रोहिङ्ग्या शरणार्थीका लागि एक अर्ब अमेरिकी डलर माग

संयुक्त राष्ट्रसङ्घले बङ्गलादेशमा रहेका करिब १५ लाख रोहिङ्ग्या शरणार्थीका लागि जीवनरक्षक सहायता उपलब्ध गराउन करिब एक अर्ब अमेरिकी डलर सहयोग माग गरिरहेको जनाएको छ ।

संयुक्त राष्ट्रसंघ र साझेदारले सहयोग माग गरिरहेको जनाएको हो ।

संयुक्त राष्ट्रसंघ र साझेदारहरुले रोहिङ्ग्या संकटका लागि संयुक्त प्रतिकार्य योजना सुरु गर्दै करिव १४ लाख ८० हजार मानिससम्म पुग्न पहिलो वर्षका लागि ९३ करोड ४५ लाख माग गरिएको छ ।

सन् २०१७ मा छिमेकी मुलुक म्यानमारमा भएको सैन्य कारबाहीबाट भागेर आएका बङ्गलादेशका करिब १० लाख मुस्लिम र अधिकांश मुस्लिम अल्पसङ्ख्यक शरणार्थी राहत शिविरमा बस्दै आएका छन् ।

खाद्य सहायता, खाना पकाउने इन्धन वा आधारभूत आवासमा कटौती लगायतका महत्वपूर्ण क्षेत्रमा कुनै पनि कोषको कमीले यस अति जोखिममा रहेको जनसंख्याका लागि गम्भीर परिणाम निम्त्याउने छ

संयुक्त राष्ट्रसङ्घले शिविरमा रहेका शरणार्थी जनसङ्ख्यामध्ये आधाभन्दा बढी महिला र किशोरी रहेको र उनीहरु लैङ्गिक हिंसा र शोषणको उच्च जोखिममा रहेको समेत जनाएको छ ।