हेटौँडामा दुई स्थानमा आगलागी, लाखौँको क्षति

हेटौँडा, २८ बैशाख । मकवानपुरको हेटौँडा उपमहानगरपालिकाका २ स्थानमा आगलागी हुँदा करिब १३ लाख बढीको क्षति भएको छ ।

हेटौंडा उपमहानगरपालिका–१७ बस्ने गोपाल अगस्तीको गाईगोठमा बिहीबार बिजुली सर्ट भई आगलागी हुँदा घर, गोठ, काठपात, चौपाया समेत गरी करीव ७ लाख ५० हजार रुपैयाँ बराबरको धनमाल जलेर क्षति भएको छ ।

यसैगरी मकवानपुर हेटौंडा उपमहानगरपालिका–१५ चिप्लेरी बस्ने देबराज ब्लोनको घरमा खाना पकाउने क्रममा बिहीबार आगलागी हुँदा घर, अन्नपात, लत्ताकपडा, नगद, सुनका गहना समेत गरी करीव ५ लाख ९५ हजार रूपैयाँ बराबरको धनमाल जलेर क्षति भएको छ ।

आगलागी स्थानियबासी र दमकलको सहयोगमा नियन्त्रणमा लिनुको साथै घटनाका सम्बन्धमा प्रहरीले आवश्यक अनुसन्धान गरिरहेको छ ।