पत्रकार किरण अधिकारी सम्मानित

काठमाडौँ २ पौष ।  नेपाली कला संगीत र चलचित्र क्षेत्रको विकास विस्तार अनि नयाँ कलाकारको खोजि गर्दै निरन्तर पत्रकारिता क्षेत्रमार्फत योगदान दिएको भन्दै पत्रकार किरण अधिकारी सम्मानित भएका छन् ।

पीम नेपाल द्वारा आयोजित पीम नेपाल डकुमेन्ट्री फिल्म फेस्टिभलको उद्घाटन समारोहमा अधिकारी सम्मानित भएका हुन् ।

फेस्टिभल उद्घाटनको अवसरमा आयोजित विशेष समारोहमा गणतन्त्र नेपालको प्रथम उपरास्ट्रपति परमान्नद झाले अधिकारीलाई सम्मानित गरेका हुन् ।

साथै मोफसलमा रहेर पनि नेपाली पत्रकारिता क्षेत्रको बृहत्तर विकासको लागि पुराएको योगदानको समेत कदर गर्दै अधिकारीलाई पीम नेपाल पत्रकारिता पुरस्कार २०७५ बाट सम्मानित गरिएको आयोजक समितिको अध्यक्ष कमाल जोसीले बताए ।