मकवानपुर बहुमुखी क्याम्पसलाई विश्वविद्यालय बनाउनुपर्ने स्ववियुको माग

मकवानपुर ९ फागुन । मकवानपुर बहुमुखी क्याम्पसलाई विश्वविद्यालय बनाउनुपर्ने भन्दै मकवानपुर क्याम्पस स्वतन्त्र विद्यार्थी युनियनका विद्यार्थीलेहरुले प्रदेश नम्बर ३ का मुख्यमन्त्री डोरमणि पौडेललाई ज्ञापनपत्र बुझाएका छन् ।मकवानपुर बहुमुखी क्याम्पस व्यवस्थापन समितिका अध्यक्ष समेत रहेका पौडेलसमक्ष क्याम्पसलाई विश्वविद्यालय बनाउनुपर्ने माग राख्दै आज स्ववियुले ज्ञापनपत्र बुझाएको छ ।

स्ववियु अध्यक्ष कुमार केसी सचिव आकाश अधिकारी लगाएतले आज मुख्यमन्त्री कार्यालयनै पुगेर क्याम्पसको समग्र स्तरउन्नतीका लागि विभिन्न योजना बनाएर काम गर्नुपर्ने भन्दैपौडेललाई सुझाएका हुन् ।

मकवानपुर बहुमुखी क्याम्पस मकवानपुर सहित यो क्षेत्रको एक दर्जन जिल्लावासीको उत्कृष्ट शैक्षिकस्थल भएको भन्दै मकवानपुर बहुमुखी क्याम्पसलाई प्रदेश नबंर ३ को प्रादेशिक विश्वविद्यालय बनाउनुपर्ने स्ववियुको माग छ । ज्ञापनपत्र ग्रहणपछि बोल्दै मुख्यमन्त्री पौडेलले अब चाँडैनै प्रदेश सरकारले प्रदेश विश्वविद्यालयको लागि काम सुरु गर्ने बताए ।