अवैध रुपमा नदिजन्य पदार्थ ढुवानी गर्ने ४ वटा ट्याक्टर प्रहरीको नियन्त्रणमा
तु खबर संवाददाता२०७६ भाद्र ६,शुक्रबार १७:०१
मकवानपुर, ६ भदौ । प्रहरी चौकी भैंसे र प्रहरी चौकी ठूलोदमारबाट खटिएको प्रहरी टोलीले अवैध रुपमा नदिजन्य पदार्थ ढूङ्गा लोड गर्दै गरेको ४ वटा ट्याक्टर नियन्त्रणमा लिएको छ ।
प्रहरी चौकी भैसेले भीमफेदी गाउँपालिका–१ सानटारस्थितको खोलाबाट ना ५ त ७०४५ नम्बरको ट्याक्टरलाई नियन्त्रणमा लिएको हो ।
त्यस्तै प्रहरी चौकी ठुलोदमारबाट खटिएको प्रहरी टोलीले हेटौंडा उपमहानगरपालिका–१८ खहरे खोलास्थितमा ना.६ त ५३८६, ना ४ त ८०८२ र एक अनटेस्ट ट्याक्टरलाई नियन्त्रणमा लिएको छ ।
नियन्त्रणमा लिई जिल्ला प्रहरी कार्यालय मकवानपुरमा ल्याईएको उक्त ट्याक्टरहरु आवश्यक कारवाही गरिरहेको प्रहरीले जनाएको छ ।