प्रदेश ३ को राजधानी र नाम पुसभित्रै टुङ्गिने
तु खबर संवाददाता
हेटौंडा, पुस १४ । प्रदेश ३ का सभामुख सानुकुमार श्रेष्ठले पुसभित्रै प्रदेशको राजधानी र नाम संसदबाट टुंगिने बताएका छन् ।
पुसको अन्तिमसम्म प्रदेशसभाको बैठकले राजधानी र नामको टुङ्गो लगाउने उनले बताए । ‘पुसभित्रै प्रदेशसभा बैठकले छलफल र मतदानको प्रक्रिया सकेर राजधानी र नाम टुंगो लगाउला ।–’ तु खबरसँग कुरा गर्दै सभामुख श्रेष्ठले भने ।
नेकपा सचिवालय बैठकले हिजो आइतबार प्रदेश ३ को राजधानी हेटौंडा र नाम बाग्मती राख्ने निर्णय गरेसँगै एकाएक प्रदेशसभा बैठक बस्ने तयारी थालिएको हो ।
प्रदेश सभामा नेकपाको स्पष्ट दुई तिहाई भएकोले प्रदेशको संसदीय दललाई आउने निर्देशन अनुसार राजधानी र नामाकरणको विषय लगभग टुंगिएको हो ।
यसैसन्दर्भमा तु खबरसँग प्रतिक्रिया दिँदै सभामुख श्रेष्ठले पुसको तेस्रो साताभित्र संसदीय प्रक्रियाबाट राजधानी र नामाकरण टुंगो लाग्ने संकेत दिएका छन् ।
नेकपा प्रदेश सभामा कुल ११० सांसदमध्ये नेकपाको ८० मत छ भने कांग्रेसको २२ र अन्य दलको आठ मत रहेको छ । प्रदेश स्थायी राजधानीका लागि दुई तिहाई अर्थात ७४ मत भए पुग्छ ।
यो पनि पढ्नुहोस्
- हेटौंडालाई प्रदेश ३ को स्थायी राजधानी बनाउने निर्णयप्रति मेरो समर्थन : बानियाँ
- नेकपाको निर्णयः राजधानी हेटौंडा, नाम बाग्मती
- ‘दुई तिहाई सदस्यहरु राजधानी हेटौंडाबाट सार्ने पक्षमा’
- ‘हामी नाममात्रैको प्रदेश सदस्य, सबै काम केन्द्रले गरोस्’– राजेन्द्र पाण्डे
- हेटौंडा राजधानी बनाउने नेकपा निर्णयको स्वागत गर्छु : कमल थापा
- जब प्रचण्ड हेटौंडा आए, त्यसपछि तात्यो नेकपा
- अहिले ६ बजे मन्त्रीपरिषद् बैठक बस्दै, प्रदेशसभा बैठक बोलाउन सभामुखलाई सिफारिस गरिने
