राजधानीको विषयमा संसदीय दलको हेटौंडा र काठमाडौंमा बैठक
तु खबर संवाददाता
हेटौंडा, १७ पुस । नेपाल कम्युनिष्ट पार्टी (नेकपा) सचिवालय बैठकले प्रदेश ३ को नाम बागमती र राजधानी हेटौंडा राख्ने निर्णय गरेपछि खैलाबैला नै मच्चायो ।
प्रदेश ३ को राजधानी र नामको विषयले सत्तारुढ दल नेकपाभित्रकै सांसदहरुको असन्तुष्टि छ । अन्य प्रदेशको हकमा निर्णय नगरी नेकपा सचिवालयले प्रदेश ३ को राजधानी र बागमती राख्ने गरी एक्कासी निर्णय गर्दा राजनीतिमा सन्नटा छायो ।
प्रदेश ३ मन्त्रीपरिषद् बैठकले पुस २१ गते प्रदेशसभा बैठक बोलाउन प्रदेश प्रमुखलाई सिफारिस गरिसकेको छ । उक्त बैठकमा प्रदेशको राजधानी र नामको विषयले प्रवेश पाउनेछ ।
पुस २१ गते प्रदेशसभा बैठक बस्ने भएपछि प्रदेश ३ का सत्तारुढ नेकपा र प्रमुख प्रतिपक्षी नेपाली कांग्रेसले संसदीय दलको बैठक बोलाएका छन् । दुवै दलको बैठकमा प्रदेश ३ को राजधानी र नामाकरणको साझा एजेण्डा छन् ।
सतारुढ नेकपाको संसदीय दलको बैठक भोली शुक्रबार दिउँसो मुख्यमन्त्री निवासमा हुने नेकपाका नेताले तु खबरलाई जानकारी दिएका छन् ।
उता प्रमुख प्रतिपक्षी दलको बैठक काठमाडौंमा हुने भएको छ । बैठकमा राजधानी र नामाकरणसँगै अन्य विषयमाथि पनि छलफल हुने दलका नेता इन्द्रबहादुर बानियाँले जानकारी दिए ।
प्रदेश ३ को स्थायी राजधानी र नामाकरणको अधिकार प्रदेश सभालाई छ । आगामी प्रदेशसभा बैठकमा राजधानी र नामको विषयले मूर्तरुप पाउनेछ ।
यो पनि पढ्नुहोस्
- हेटौंडालाई प्रदेश ३ को स्थायी राजधानी बनाउने निर्णयप्रति मेरो समर्थन : बानियाँ
- नेकपाको निर्णयः राजधानी हेटौंडा, नाम बाग्मती
- ‘दुई तिहाई सदस्यहरु राजधानी हेटौंडाबाट सार्ने पक्षमा’
- ‘हामी नाममात्रैको प्रदेश सदस्य, सबै काम केन्द्रले गरोस्’– राजेन्द्र पाण्डे
- हेटौंडा राजधानी बनाउने नेकपा निर्णयको स्वागत गर्छु : कमल थापा
- जब प्रचण्ड हेटौंडा आए, त्यसपछि तात्यो नेकपा
- अहिले ६ बजे मन्त्रीपरिषद् बैठक बस्दै, प्रदेशसभा बैठक बोलाउन सभामुखलाई सिफारिस गरिने
- प्रदेश ३ को राजधानी र नाम पुसभित्रै टुङ्गिने
- प्रदेशसभा बैठक पुस २१ गते दिउँसो ३ बजे बोलाउन प्रदेश प्रमुखलाई सिफारिस
- राप्रपा केन्द्रीय सदस्य मधु अधिकारी लेख्छन् – यसकारण हेटौंडा स्थायी राजधानी
- माधव नेपालले बागमती प्रदेश भनेपछि खैलाबैला
- त्यो सरकारमा कमल थापा नभएको भए…