हेटौंडामा संसदीय दलको बैठक सुरु, राजधानी बारे धारणा प्रस्तुत

तु खबर संवाददाता

२०७६ पुष १९,शनिबार १२:३३

हेटौंडा, १७ पुस । प्रदेश ३ को सत्तारुढ नेकपा संसदीय दलको बैठक आज शनिवार सुरु भएको छ । शुक्रबार दिउँसोदेखि सुरु बैठक आज शनिवार ११ बजे बस्ने गरी स्थगित भएको थियो ।

बैठक निर्धारित समयभन्दा केही बेर ढिलो सुरु भएको छ । नेकपा प्रदेश ३ इञ्चार्ज अष्टलक्ष्मी शाक्यलगायतका नेता निर्धारित समय भन्दा ढिलो आएपछि बैठक ढिलो गरी सुरु भएको थियो ।

मुख्यमन्त्री निवासमा भएको बैठकमा २४ जनाले बोल्न नाम टिपाएकोमा १७ जनाले मात्रै आफ्ना धारणा राखेका थिए ।

बैठक सम्भवत आज टुंगिने बताइएको छ । ‘बैठकआज सकिन सक्छ यदी सहमति हुन नसके भोली आइतबारसम्म पनि बैठक लम्बिन सक्छ ।–’ तु खबरसँग कुरा गर्दै प्रदेशसभा सदस्य प्रेमबहादुर पुलामीले भने ।

बैठकमा प्रदेशसभा सदस्यहरुले प्रदेश ३ को राजधानी र नामाकरणको विषयमा आफ्नो धारणा प्रस्तुत गरेका छन् । बैठकमा राजधानी र नामाकरण जनभावना विपरित राख्न नहुने सांसदहरुको भनाई थियो । केही प्रदेशसभा सदस्यहरुले प्रदेश सभाको अधिकारमाथि हस्तक्षेप गर्न नहुने बताएका छन् ।

प्रदेश ३ को राजधानी र नामको विषयमा संसदीय दल एकताबद्ध भएर अघि बढ्नुपर्ने धारणा प्रदेशसभा सदस्यहरुले राखेका थिए । उनीहरुले जनभावना बुझेर पायक पर्ने स्थानमा राजधानी राख्नु पर्ने बताएका छन् ।

नेपाल कम्युनिष्ट पार्टी (नेकपा) सचिवालय बैठकले गत आइतबार प्रदेश ३ को नाम बागमती र राजधानी हेटौंडा राख्ने निर्णय गरेपछि यसविषयमा समर्थन र विरोध हुँदै आइरहेको छ ।

नेकपा सचिवालयको निर्णयलाई प्रदेशसभाबाट पारित गर्न प्रदेशसभा बैठक २१ गते बोलाउन प्रदेश प्रमुखलाई सिफारिस गर्ने निर्णय मन्त्रीपरिषद्ले गरिसकेको छ ।

प्रदेशसभाको बैठक नजिकिँदै जाँदा राजधानीको विषयलाई लिएर सत्तारुढ दल नेकपाभित्रै तीव्र विरोधले निर्णय कार्यान्वयनमा सकस देखिएको छ । प्रदेश ३ को राजधानी र नामको विषयले सत्तारुढ दल नेकपाभित्रकै सांसदहरुको असन्तुष्टि छ ।

हेटौंडामा संसदीय दलको बैठक सुरु, राजधानी बारे धारणा प्रस्तुत

यो पनि पढ्नुहोस्

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो