राजधानीको विषयमा संसदीय दलको निर्णय आज

तु खबर संवाददाता

२०७६ पुष २०,आईतवार ०८:३१

हेटौंडा, २० पुस । प्रदेश ३ को सत्तारुढ नेकपा संसदीय दलको बैठक ३ दिनसम्म लम्बिएको छ । शुक्रबार दिउँसो २ बजेदेखि सुरु बैठक शनिवार पुनः बसेको थियो । शनिवार बसेको बैठकले आइतबार बिहान १० बजेसम्मको लागि बैठक स्थगित गरेको छ ।

मुख्यमन्त्री निवासमा भएको बैठकमा शुक्रबार १७ जना र शनिवार २३ जनाले आफ्नो धारणा राखेका थिए । बैठकमा प्रदेशसभा सदस्यहरुले प्रदेश ३ को राजधानी र नामाकरणको विषयमा आफ्नो धारणा प्रस्तुत गरेका छन् ।

बैठक आज प्रदेश ३ को राजधानी र नामाकरणको विषयमा ठोस निर्णय गर्दै सकिने मुख्य सचेतक रामेश्वर फुँयालले जानकारी दिए ।

प्रदेश ३ को राजधानी र नामको विषयमा संसदीय दल एकताबद्ध भएर अघि बढ्नुपर्ने धारणा प्रदेशसभा सदस्यहरुले राखेका थिए । उनीहरुले जनभावना बुझेर पायक पर्ने स्थानमा राजधानी राख्नु पर्ने बताएका छन् ।

नेपाल कम्युनिष्ट पार्टी (नेकपा) सचिवालय बैठकले गत आइतबार प्रदेश ३ को नाम बागमती र राजधानी हेटौंडा राख्ने निर्णय गरेपछि यसविषयमा समर्थन र विरोध हुँदै आइरहेको छ ।

नेकपा सचिवालयको निर्णयलाई प्रदेशसभाबाट पारित गर्न प्रदेशसभा बैठक २१ गते बोलाउन प्रदेश प्रमुखलाई सिफारिस गर्ने निर्णय मन्त्रीपरिषद्ले गरिसकेको छ ।

राजधानीको विषयमा संसदीय दलको निर्णय आज

यो पनि पढ्नुहोस्

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो