भोली बस्ने संसदीय दलको बैठकले राजधानी विवाद टुंग्याउने

तु खबर संवाददाता
२०७६ पुष २३,बुधबार १०:५९
नेकपा प्रदेश संसदीय दलको बैठकमा सहभागी मुख्यमन्त्री डोरमणि पौडेल, प्रदेशसभा सदस्य तथा पार्टी प्रदेश इञ्चार्ज अष्टलक्ष्मी शाक्यलगायतका नेता । फाइल तस्बिरः

हेटौंडा, २३ पुस । भोली बिहीवार बस्ने सत्तारुढ दल नेकपा प्रदेश ३ को संसदीय दलको बैठकले राजधानीको विषय टुंगो लगाउने भएको छ । बिहान ८ बजे हेटौंडास्थित मुख्यमन्त्री निवासमा बैठक बस्दैछ ।

गत शुक्रबारदेखि लगातार ३ दिनसम्म बसेको संसदीय दलको बैठकले राजधानी र नामको विषयमा सहमती गर्न सकेको छैन । राजधानी कहाँ राख्ने भन्ने विषयमा प्रदेश सांसदहरुबीच विवाद चुलिँदै गएको छ ।

नेकपा सचिवालयले प्रदेश ३ को राजधानी हेटौंडा र नामा बाग्मती राख्न संसदीय दललाई निर्देशन दिएपछि सर्वसम्मत निर्णयको प्रयास गर्दै दलको बैठक बसेको थियो ।

पार्टी केन्द्रीय सदस्य तथा प्रदेश सांसद राजेन्द्र पाण्डेले राजधानीको विषयमा भोली बस्ने संसदीय दलको बैठकले टुंगो लगाउने जानकारी दिए ।

‘भोली दलको बैठक छ । राजधानीको विषयमा सहमती हुन नसक्दा स्थगित भएको बैठकले भोली एउटा धारणा बनाएर टुंगो लगाइनेछ ।–’ तु खबरसँग कुरा गर्दै उनले भने ।

काठमाडौंबाट निर्वाचित प्रदेशसभा सदस्य दिपक निरौलाले भोली बस्ने दलको बैठकले एउटा निर्णय गरेर जाने तु खबरलाई बताए । पार्टीको निर्णय अनुसार संसदीय प्रक्रिया अघि बढ्ने बताए ।

प्रदेशको राजधानी हेटौंडा राख्न नहुने केही सांसदहरुले धारणा राखेपछि संसदीय दलको बैठक बिनानिश्कर्ष स्थगित भएको थियो ।

पुस २२ गते पुनः बस्ने गरी आइतबारको संसदीय दलको बैठक स्थगित भएको थियो । मंगलबार पनि दलको बैठक हुन सकेको थिएन् ।

यो पनि पढ्नुहोस्

यसमा तपाइको मत

Your email address will not be published. Required fields are marked *


*


ताजा समाचार

१
‘थाहा नगर प्रदेश सरकारको विशेष प्राथमिकतामा छ’
२
हेटौंडा–१९ लाई बालमैत्री वडा घोषणा गरिँदै
३
वैदेशिक रोजगारमा पठाइदिन्छु भन्दै ठगी गर्ने पक्राउ
४
३३ अंकले बढ्यो नेप्से, ७ करोड ४४ करोडमाथिको कारोबार
५
मंगलबार पनि घट्यो सुनको भाउ