हेटौंडा राजधानी कायम हुँदा ४ मन्त्रालय बढ्ने !

तु खबर संवाददाता
२०७६ पुष २४,बिहीबार १०:२४

हेटौंडा, २४ पुस । प्रदेश ३ को राजधानीको सम्बन्धमा ‘बार्गेनिङ’को खेल सुरु भएको छ । नेकपाका सांसदलाई मन्त्री बनाउने आश्वासन दिइएको स्रोतले जानकारी दिएको छ ।

प्रदेश ३ सरकार विस्तार हुने संकेत देखा परेको छ । हेटौंडामा जारी नेकपा प्रदेश संसदीय दलको बैठकमा यसअघि नै मन्त्रीपरिषद् हेरफेरको कुरा उठेको थियो ।

बैठकमा सहभागी एक सांसदका अनुसार सचिवालयको निर्णयलाई मान्नुको विकल्प नभएको बताउँदै कतिपय सांसदहरुले अब मन्त्रीपरिषद् समेत विस्तार गर्न जरुरी रहेको बताएका थिए ।

यसअघिका बैठकमा नुवाकोटका सांसद बद्री मैनालीले मन्त्रीपरिषद्को विस्तारको विषयलाई बैठकमा प्रवेश गराएका थिए ।

‘अब मन्त्रीपरिषद् विस्तार गर्नुपर्छ । स्थायी राजनधानी हुने हो भने मुख्यमन्त्रीले सम्हालिरहेको मन्त्रालय अरुलाई जिम्मेवारी दिनुपर्छ । राज्यमन्त्री समेत बनाउनु पर्छ भन्ने केही सांसदहरुको भनाई रहेको छ ।–’ उनले भने ।

कतिपय प्रदेशसभा सदस्यले भने प्रदेश राजधानीलाई ‘बार्गेनिङ’ को आधार बनाएका हुन् । स्थायी राजधानी हेटौंडा कायम भएलगत्तै मुख्यमन्त्री कार्यालयसहित ७ वटा मन्त्रालय रहेकोमा ११ वटा मन्त्रालय बनाउने नेकपाको आन्तरिक तयारी छ ।

‘प्रदेश राजधानी बनाउन सहयोग गर्ने र असन्तुष्ट केही प्रदेशसभा सदस्यलाई मन्त्री बनाउने पनि आश्वासन दिइएको छ’, प्रदेश सरकारका एक मन्त्रीले भने, ‘नाम र राजधानी टुंगो लाग्ने बित्तिकै प्रदेश सरकार विस्तार हुन्छ ।’

मुख्यमन्त्री डोरमणि पौडेलले भौतिक पूर्वाधार विकास मन्त्रालय आफौं सम्हाल्दै आएका छन् । भौतिक पूर्वाधार मन्त्री केशव स्थापितलाई मुख्यमन्त्री पौडेलले वर्खास्त गरेपछि उक्त मन्त्रालय आफैं सम्हाल्दै आएका हुन् ।

यो पनि पढ्नुहोस्

यसमा तपाइको मत

Your email address will not be published. Required fields are marked *


*


ताजा समाचार

१
दुर्घटनामा परेर तीन जनाको मृत्यु
२
यस्तो रहनेछ आजको मौसम
३
एमालेको जनजागरण सभा आज
४
आज हेटौंडाको यी फिडरमा विद्युत अवरुद्ध
५
नेपाल एयरलाइन्सले हवाई भाडा घटायो