राजधानीमा हेटौंडाको नाममात्र संसदमा प्रस्तावः मुख्यमन्त्री

तु खबर संवाददाता

२०७६ पुष २४,बिहीबार १३:०८

file-photo

हेटौंडा, २४ पुस । सत्तारुढ दल नेकपा प्रदेश संसदीय दलको बैठक हेटौंडामा बसिरहेको छ । मुख्यमन्त्री निवासमा बिहानदेखि जारी बैठकमा प्रदेश ३ को राजधानीका लागि प्रदेशसभामा प्रस्ताव गरिने जिल्ला तोक्न सांसदबीच रस्साकस्सी चलिरहेको छ ।

मुख्यमन्त्री डोरमणि पौडेलले प्रदेशसभा बैठकमा राजधानीमा हेटौंडाको नाममात्र प्रस्ताव लैजान प्रयास गरिरहेका छन् ।

नेकपा नेतृत्वको निर्देशन अनुसार प्रदेशको राजधानी हेटौंडा र नाम बाग्मती मात्रै प्रदेशसभामा प्रस्ताव अघि बढाएर दुईतिहाई पुर्याउन दलका नेतासमेत रहेका मुख्यमन्त्री पौडेलले प्रयास गरेका हुन् ।

छलफलका क्रममा केही सांसदले राजधानी अध्ययन सम्भाव्यता समितिले सिफारिस गरेको ५ जिल्ला संसदमा प्रस्ताव गर्नुपर्ने माग गरेका छन् ।

तर, मुख्यमन्त्री डोरमणि पौडेलले पार्टी निर्देशन अनुसार राजधानीमा हेटौंडा र नाममा बग्मतीमात्रै प्रस्ताव संसदमा पेश गर्ने बताएका छन् । मुख्यमन्त्री पौडेलले भने–‘संसदमा हेटौंडाको नाम मात्र अघि बढाउने प्रयासमा छौँ ।’

स्रोतका अनुसार छलफलका क्रममा समितिले सिफारिस गरेको काभ्रे, चितवन, नुवाकोट, भक्तपुर र मकवानपुरको प्रस्ताव अघि बढाएर आफ्नो राजनीतिक भविष्य सुरक्षित पार्न सांसदहरुले नेतृत्व तहसँग अनुरोध गरेका छन् ।

हाल जारी संसदीय दलको बैठक स्थगित भएको छ । करिब १ घण्टापछि पुनः बस्ने दलको बैठकमा मुख्यमन्त्रीले नेकपा सांसदहरुलाई निर्देशन दिने कार्यक्रम रहेको जनाइएको छ ।

उनले पार्टी निर्देशन अनुसार राजधानीमा हेटौंडा र नाम बाग्मतीको पक्षमा मतदान गर्न आफ्ना सांसदहरुलाई निर्देशन दिने बताइएको छ ।

राजधानीमा हेटौंडाको नाममात्र संसदमा प्रस्तावः मुख्यमन्त्री

यो पनि पढ्नुहोस्

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो