मुख्यमन्त्री निवासमा नेकपा नेताहरुको बैठक चल्दै

तु खबर संवाददाता

२०७६ पुष २४,बिहीबार १८:४०

नेकपा प्रदेश संसदीय दलको बैठकमा सहभागी मुख्यमन्त्री डोरमणि पौडेल, प्रदेशसभा सदस्य तथा पार्टी प्रदेश इञ्चार्ज अष्टलक्ष्मी शाक्यलगायतका नेता । फाइल तस्बिरः

हेटौंडा, २४ पुस । प्रदेश ३ को राजधानी र नामाकरणको विषयमा सहमती हुन नसक्दा सत्तारुढ दल नेकपाका नेताहरु सहमतीको खोजि गर्दै छलफलमा अनवरत लागि रहेका छन् ।

पार्टी नेतृत्वले दई पटकसम्म प्रदेशको राजधानी हेटौंडा र नाम बाग्मती राख्न निर्देशन दिइसकेको अवस्थामा पनि सहमती जुट्न सकेको छैन् ।

हेटौंडालाई राजधानी मानेर जान नसक्ने सांसदहरुको अडानले पार्टी निर्देशन नै फेल खाने स्थितिमा यतिखेर नेकपा नेतृत्व पनि तनावमा छ ।

पार्टी अध्यक्षद्वय केपी ओली र पुष्पकमल दाहाल प्रचण्डले प्रदेशका शिर्ष नेताहरुलाई काठमाडौं बोलाएर पुस २२ गते पुनः राजधानी र नामको विषयमा निर्देशन दिएका थिए ।

पार्टी ‘हाइकमाण्ड’ले दोस्रो पटक निर्देशन दिँदा पनि काभ्रे राजधानी बनाउने पक्षका केही सांसदहरुको अडान कायम छ । राजधानीको विषयमा सहमती जुटाउन मुख्यमन्त्रीले प्रयास जारी राखेका छन् ।

आज बिहीवार बेलुका पनि मुख्यमन्त्रीको सक्रियतामा नेकपाका उपलब्ध केन्द्रीय सदस्यहरुको बैठक बसिरहेको छ । प्रदेशसभा बैठक सकिएको केही बेरमै मुख्यमन्त्री निवासमा नेकपा केन्द्रीय सदस्य, प्रदेशका शिर्ष नेताहरुको बैठक चलिरहेको छ ।

छलफलमा नेकपा पार्टीका केन्द्रीय सदस्यसमेत रहेका प्रदेशका सांसद राजेन्द्र पाण्डेल, प्रदेश इन्चार्ज अष्टलक्ष्मी शाक्य, सहइन्चार्ज काशिनाथ अधिकारी, अध्यक्ष नारायण दाहाल, सचिव आनन्द पोखरेल, प्रदेश सरकारका मन्त्रीहरु, दलका प्रमुख सेचतक रामेश्वर फुयाल सहभागी छन् ।

मुख्यमन्त्री निवासमा नेकपा नेताहरुको बैठक चल्दै

यो पनि पढ्नुहोस्

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो