प्रदेशसभा बैठक स्थगित, आइतबार बिहान ९ बजे बस्ने

तु खबर संवाददाता

२०७६ पुष २६,शनिबार १५:२२

हेटौंडा, २६ पुस । प्रदेश ३ सभाको बैठक स्थगित भएको छ । शनिवार १ बजेदेखि सुरु भएको बैठक दोस्रो चरणसम्म चलेपछि ३ बजे स्थगित गरिएको हो ।

सभामुख सानुकुमार श्रेष्ठले आगामी बैठक भोली आइतबार ९ बजेबाट सुरु हुने गरी स्थगित गरिएको जानकारी गराए । भोली बिहान हुने बैठकको कार्यसूचि सार्वजनिक गरिएको छैन ।

आज बसेको सभामा सत्तारुढ नेकपा संसदीय दलका नेतासमेत रहेका मुख्यमन्त्री डोरमणि पौडेलले प्रदेश ३ को राजधानी हेटौंडाको प्रस्ताव पेश गरेका थिए ।

पौडेलको प्रस्तावमा समर्थक प्रमुख प्रतिपक्ष नेपाली कांग्रेस संसदीय दलका नेता इन्द्रबहादुर बानियाँ, राप्रपाकी सांसद रिता माझी र राप्रपा संयुक्तकी सांसद रिना गुरुङले प्रदेशसभा बैठकमा समर्थन जनाएका छन् ।

सभाको शनिवारको दोस्रो बैठकमा प्रमुख प्रतिपक्षी दलका नेता इन्द्रबहादुर बानियाँले प्रदेशको नाम बाग्मती प्रस्ताव पेश गरेका थिए । बानियाँको प्रस्तावमा सत्तारुढ नेकपाका मुख्य सचेतक रामेश्वर फुँयाल, राप्रपाकी सांसद रिता माझी र राप्रपा संयुक्तकी सांसद रिना गुरुङलेले समर्थन जनाएका छन् ।

यसैगरी विवेकशील नेपाली र साझा पार्टीले काभ्रेको धुलिखेलमा राजधानी राख्न प्रदेशसभामा प्रस्ताव पेश गरे । विवेकशील नेपाली र साझा पार्टीले नामको सवालमा भने प्रदेशको नाम बाग्मती प्रस्तावलाई समर्थन जनाएका छ ।

प्रदेशसभा बैठक स्थगित, आइतबार बिहान ९ बजे बस्ने

यो पनि हेर्नुहोस् ।

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो