अन्तिम रणनीति तय गर्न भोली नेकपा संसदीय दलको बैठक बस्ने

तु खबर संवाददाता

२०७६ पुष २६,शनिबार १७:५८

फाइल तस्बिर

हेटौंडा, २६ पुस । भोली आइतबार सत्तारुढ दल नेकपा प्रदेश संसदीय दलको बैठक पुनः बस्ने भएको छ ।

हेटौंडास्थित मुख्यमन्त्री निवासमा भोली बिहान ७ः३० बजे नेकपा संसदीय दलको बैठक बस्न लागेको नेकपाका मुख्य सचेतक रामेश्वर फुँयालले बताए ।

उनले तु खबरसँग कुरा गर्दै प्रदेश ३ को राजधानी र नामकरणको विषयमा अन्तिम रणनीति तय गर्न संसदीय दलको बैठक बस्न लागेको बताए ।

उनले भोली प्रदेशको राजधानी र नामकरणको विषयमा हुने मतदान प्रक्रियामा कसरी अगाडि बढ्ने भन्ने सम्बन्धमा संसदीय दलको बैठकमा छलफल हुने जानकारी दिए ।

‘भोली बस्ने दलको बैठकले प्रदेशको राजधानी र नामकरणको विषयमा अन्तिम रणनीति तय गर्नेछ ।–’ तु खबरसँग कुरा गर्दै सचेतक फुँयालले बताए ।

नेकपाका सांसदहरु राजधानी हेटौंडा र काभ्रेको पक्षमा विभाजित भएपछि संसदीय दलले प्रदेश ३ को राजधानी र नामकरणको विषयमा निर्णय गर्न सकेको थिएन । शुक्रबार बसेको बैठकले प्रदेशको राजधानी हेटौंडा र नाम बाग्मती राख्ने निर्णय गरेको थियो ।

आज शनिवार बसेको प्रदेश ३ सभामा सत्तारुढ नेकपा संसदीय दलका नेतासमेत रहेका मुख्यमन्त्री डोरमणि पौडेलले प्रदेश ३ को राजधानी हेटौंडाको प्रस्ताव पेश गरेका थिए ।

पौडेलको प्रस्तावमा समर्थक प्रमुख प्रतिपक्ष नेपाली कांग्रेस संसदीय दलका नेता इन्द्रबहादुर बानियाँ, राप्रपाकी सांसद रिता माझी र राप्रपा संयुक्तकी सांसद रिना गुरुङले प्रदेशसभा बैठकमा समर्थन जनाएका छन् ।

सभाको शनिवारको दोस्रो बैठकमा प्रमुख प्रतिपक्षी दलका नेता इन्द्रबहादुर बानियाँले प्रदेशको नाम बाग्मती प्रस्ताव पेश गरेका थिए ।

यसैगरी विवेकशील नेपाली र साझा पार्टीले काभ्रेको धुलिखेलमा राजधानी राख्न प्रदेशसभामा प्रस्ताव पेश गरे । विवेकशील नेपाली र साझा पार्टीले नामको सवालमा भने प्रदेशको नाम बाग्मती प्रस्तावलाई समर्थन जनाएको छ ।

अन्तिम रणनीति तय गर्न भोली नेकपा संसदीय दलको बैठक बस्ने

यो पनि हेर्नुहोस् ।

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो