नेवाः ताम्सालिङ प्रस्ताव दर्ता गर्न फारम भरियो, सर्मथक भेटिएन !

तु खबर संवाददाता

२०७६ पुष २६,शनिबार १९:३९

हेटौंडा, २६ पुस । प्रदेश ३ सभामा प्रदेश ३ को नाम नेवाः ताम्सालिङ प्रस्ताव गर्न योजना बनाएका स्वतन्त्र सांसद प्रेम तामाङको चाहना अधुरै भएको छ ।

उनले आज शनिवार बिहान ९ बजेदेखि ११ बजेसम्म प्रदेशसभा सचिवालयमा प्रदेशको नाम नेवाः ताम्सालिङ प्रस्ताव दर्ता गर्न चाहेका थिए । उनले प्रस्ताव दर्ताको लागि फारम भरेपनि अन्तिममा समर्थक पाएनन् । यसकारण उनको नेवाः ताम्सालिङ नाम प्रस्ताव दर्ता गर्ने चाहना अधुरै बनेको हो ।

प्रदेशसभाका कुनै पनि सदस्यले प्रदशेको नाम र राजधानीबारे प्रस्ताव दर्ता गर्दा दुईजना प्रदेशसभा सदस्य समर्थक चाहिने व्यवस्था छ ।

उनले सदनमा आफ्नो धारणा राख्ने क्रममा पहिचानको मुद्दा उठाएर चुनाव जितेका सांसदहरुलाई ‘रेड सलाम’ गरेका छन् । ‘जातीय पहिचानका लागि रगत बगाएकाहरु समेत पहिचानको एजेण्डा छाडेको भन्दै तामाङले व्यङ्ग्य गरे, रातामान्छेहरुलाई रातै सलाम ।’

प्रदेशसभा बैठकमै प्रदेश ३ को नाम नेवाः ताम्सालिङ राख्नुपर्छ भनेर माग उठाउने सांंसदहरु पार्टी हृवीपका कारण समर्थक समेत बस्न नमानेको प्रदेशसभा सदस्य तामाङले बताए ।

यसअघिका बैठकमा नेकपाका केही सांसदहरुले प्रदेश ३ को नाम नेवाः ताम्सालिङ हुनुपर्ने माग राखेका थिए । तर, तामाङले आज समर्थक नै भेटेनन् । उनले खल्तीबाट आफूले भरेको प्रस्ताव फारम झिकेर देखाए ।

उनले पहिचानको मुद्दा लिएर जनतालाई आश्वासन दिने सांसदहरुले विभिन्न प्रलोभनमा बाग्मती प्रदेश राख्ने प्रस्तावलाई अघि बढाएको प्रति आफ्नो आपत्ति रहेको बताए ।

उनले कम्युनिष्टका सर्वोच्च नेता लेनिनको धारणालाई संज्ञा दिँदै भने– बाहिर खसीको टाउको झुण्डाएर, संसदमा भित्र कुकुरको मासु बेचिन्छ भन्दै उनले प्रदेश ३ को संसदमा पनि लेलिनको धारणा चरितार्थ भएको आरोप लगाए ।

नेवाः ताम्सालिङ प्रस्ताव दर्ता गर्न फारम भरियो, सर्मथक भेटिएन !

यो पनि हेर्नुहोस् ।

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो