१ सय ५ मतले प्रदेशको स्थायी राजधानी हेटौंडा घोषित (भिडियो)

तु खबर संवाददाता

२०७६ पुष २७,आईतवार ११:२१

हेटौंडा, २७ पुस । सभामुख सानुकुमार श्रेष्ठले प्रदेशसभामा हेटौंडालाई राजधानी बनाउने प्रस्ताव निर्णयार्थ प्रस्तुत गरेपछि भएको मत परिणाम सार्वजनिक गरिएको छ ।

सार्वजनिक गरिएको मतपरिणाम अनुसार १ सय ५ मतले हेटौंडा राजधानी घोषित भएको छ । दुई तिहाईले राजधानी घोषित हुन ७४ मत आवश्यक थियो । त्यो भन्दा ज्यादा मतले हेटौंडा प्रदेशको स्थायी राजधानी घोषणा भएको हो ।

यसअघि मुख्यमन्त्री डोरमणि पौडेलले हेटौंडालाई राजधानी प्रस्ताव पारित गरियोस भनी सभामा पेश गरेका थिए । सभामुख सानुकुमार श्रेष्ठले मुख्यमन्त्रीबाट पेश भएको हेटौंडा राजधानी बनाउने प्रस्तावलाई सभामा निर्णयार्थ पेश गरेका थिए ।

त्यसपछि मत विभाजनको घोषणा गरिएको थियो । मतदानको परिणाम अनुसार अत्याधिक मतले हेटौंडा प्रदेशको राजधानी कायम भएको हो । मतदानमा १ सय ८ सांसद उपस्थित थिए ।

यसअघि काभ्रेको धुलिखेललाई राजधानी बनाउने प्रस्ताव प्रदेशसभामा निर्णयार्थ पेश भएको थियो । विवेकशील नेपाली दल र साझा पार्टीले संयुक्त रुपमा धुलिखेललाई राजधानी प्रस्ताव गरेका थिए ।

प्रस्तावहरुले प्रस्ताव फिर्ता लिन नमानेपछि काभ्रेको धुलिखेललाई राजधानी बनाउने प्रस्ताव प्रदेशसभामा निर्णयार्थ प्रस्तुत भएको थियो ।

त्यसपछि भएको मत विभाजनमा काभ्रेको धुलिखेलको पक्षमा ३ मत मात्रै आएको हो । यसको विपक्षमा १ सय १ जनाले मतदान गरेका थिए ।

१ सय ५ मतले प्रदेशको स्थायी राजधानी हेटौंडा घोषित (भिडियो)

हेर्नुहोस् भिडियो –

यो पनि हेर्नुहोस् ।

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो