हेटौंडा स्थायी राजधानी भएपछि चोकचोकमा दीप प्रज्वलन (तस्बिरसहित)

तु खबर संवाददाता

२०७६ पुष २७,आईतवार १९:५०

हेटौंडा, २७ पुस । प्रदेश नम्बर ३ को राजधानी हेटौंडा कायम भएपछि बजारका विभिन्न स्थानमा खुशियाली मनाउँदै प्रदेशसभा बैठकको निर्णयको स्वागत गरिएको छ ।

प्रदेश ३ को स्थायी राजधानी हेटौंडा र नाम बागमती कायम भएपछि बजारका चोकचोकमा दीप प्रज्वलन गरिएको थियो । हेटौंडाको बुद्धचोक, मानकचोक, उद्योग वाणिज्य संघ चोक, संगमचोक लगायतका मुख्यचोकहरुमा नेपाल र प्रदेशका नक्सा बनाएर दीप प्रज्वलन गरिएको थियो ।

हेटौंडाबासीहरुले प्रदेश ३ को राजधानी घोषित भएपछि नेपालको झण्डा फहराउँदै मोटरसाइकल र्याली निकाएिको थियो । आज आइतबार प्रदेशसभा बैठकले प्रदेश ३ को नाम बागमती र राजधानी हेटौंडा राख्न मत विभाजन प्रक्रियाबाट टुंग्याएको हो ।

हेटौंडामा रहेका विभिन्न संघसंस्थाले आइतबार साँझ बुद्ध चोकमा निर्णयको स्वागत गर्दै दीप प्रज्वलन गरेका थिए । राजधानी हेटौंडा कायम गर्न सांसदहरुलाई दबाब दिन एकताबद्ध भएका विभिन्न राजनीतिक दलका भातृ संगठन, सामाजिक संघसंस्थाको सहभागितामा दीप प्रज्वलन गर्दै निर्णयको स्वागत गरिएको हो ।

दीप प्रज्वलन कार्यक्रमका संयोजनकर्ता तथा राष्ट्रिय युवा संघ मकवानपुरका संयोजक सन्तोष चौलागाईले अस्थायी राजधानी र नामविहिन प्रदेशलाई स्थायी राजधानी र नामाकरण गर्ने सबै सांसदलाई आभार व्यक्त गर्दै बधाई दिए ।

हेटौंडा स्थायी राजधानी भएपछि चोकचोकमा दीप प्रज्वलन (तस्बिरसहित)

यो पनि हेर्नुहोस् ।

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो