हेटौंडाको पक्षमा मत दिँदा चौलागाईं किन भए दुखित ?

तु खबर संवाददाता

२०७६ पुष २८,सोमबार १४:५२

हेटौंडा, २८ पुस । नेपाल कम्युनिस्ट पार्टी (नेकपा)का केन्द्रीय सदस्य तथा बागमती प्रदेशका सांसद पशुपति चौलागाईंले मतदातासँग क्षमा याचना गरेका छन् । उनले आइतबार सामाजिक सञ्जालमा लेख्दै हेटौंडाको पक्षमा मतदान गर्दा आफु दुखित भएको बताए ।

आइतबार प्रदेशसभाबाट प्रदेश ३ को राजधानी हेटौंडा र नाम बागमती पारित भएपछि उनले जनतासँग क्षमा मागेका हुन् । आइतबार नेकपा प्रदेश संसदीय दलका नेता तथा मुख्यमन्त्री डोरमणि पौडेलले प्रस्ताव पेश गरेको हेटौंडा राजधानीको पक्षमा मतदान गरेपछि उनले आफ्नो मतदान जनभावना विपरित भएको भन्दै क्षमा मागेका हुन् ।

उनले संघीय लोकतान्त्रिक गणतन्त्रको संस्थागत विकासको चरणमा आवश्यक पर्ने संरचनाहरू निर्माणको अभियानमा जनमत, संविधानको भावना, भूगोल, जनसंख्या, सशस्त्र र शान्तिपूर्ण जनआन्दोलनको माध्यमवाट प्राप्त संघीयताको मर्म विपरित आफूले आफ्नै विरुद्ध समेत मतदान गरेको बताए ।

हेर्नुहोस चौलागाईंले सामाजिक सञ्जालमा यस्तो लेखेः

पुष्पलालको नेतृत्वमा स्थापित नेकपाको एउटा समूह जो झापा विद्रोहवाट जन्मेको को के मार्फत सम्पर्क भई माले, एमाले हुँदै आज म नेकपाको केन्द्रीय सदस्य !

मनमोहन अधिकारी, जननेता मदन भण्डारी जस्ता अग्रजले नेतृत्व गरि निर्माण भएको यो विशाल कार्यकर्ताको संलग्नता रहेको पार्टी हजारौंले वलिदानी गरेर सशस्त्र र शान्तिपूर्ण आन्दोलनका अनेक रूपहरूलाई प्रयोग गर्दै यहाँसम्म आईपुग्दा संघीय लोकतान्त्रिक गणतन्त्रको संस्थागत विकासको चरणमा आवश्यक पर्ने संरचनाहरू निर्माणको यो अभियानमा जनमत, संविधानको भावना, भूगोल, जनसंख्या, शशस्त्र र शान्तिपूर्ण जनआन्दोलनको माध्यमवाट प्राप्त संघीयताको मर्म विपरित आज मैले मेरै विरुद्ध समेत मतदान गरें ।

स्वः मदन भण्डारीको जीवन साथी सम्माननीय राष्ट्रपति, झापा आन्दोलनको एक संस्थापक युग पुरुष प्रधानमन्त्री तथा पार्टी अध्यक्ष र सशस्त्र विद्रोहका नायक पार्टी अध्यक्ष भएको वेलामा समेत मैले जनमतको भावनाको प्रतिनिधित्व गर्न पाईन ।

तत्कालिन मालेको पार्टी सदस्य, एमाले हुँदै ४० वर्षको राजनीतिक यात्रामा अनेकौं गल्ती कमजोरी भए होलान तर जानेर र थाहा पाउँदा पाउँदै गल्ती गरे जस्तो लाग्दैन ।

तर आज मलाई नेकपाको केन्द्रीय सदस्य अहिलेको प्रदेशसभाको सदस्यको नाताले जे निर्णय गर्नु पर्यो आफ्नै काम प्रति दुखित छु ।

काभ्रेमा प्रदेशको राजधानी राख्ने कुरामा मत दिन सकिन । क्षमा चाहान्छु ४० वर्षको यात्रा आफु माथीको पार्टीको लगानी र आन्दोलनमा आफ्नो लगानी यसलाई नकार्न सकिन ।

हेटौंडाको पक्षमा मत दिँदा चौलागाईं किन भए दुखित ?

यो पनि हेर्नुहोस् ।

यसमा तपाइको मत Cancel reply

ताजा समाचार

दुर्घटनामा परेर तीन जनाको मृत्यु

यस्तो रहनेछ आजको मौसम

एमालेको जनजागरण सभा आज

आज हेटौंडाको यी फिडरमा विद्युत अवरुद्ध

नेपाल एयरलाइन्सले हवाई भाडा घटायो