अजिता प्रकरण : घाँटीमा बिजुलीको तार बेरेर हत्या
तु खबर संवाददाता२०७६ माघ ४,शनिबार ०९:३३
हेटौंडा, ४ माघ । मकवानपुरको हेटौंडा उपमहानगरपालिका वडा नं. ५ स्थित क्याम्पाडाँडामा आज बिहान मृत अवस्थामा एक जनाको शव फेला परेको छ । हेटौंडा नवलपुरकी अजिता भुजेल मृत अवस्थामा क्याम्पाडाँडामा फेला परेकी हुन् ।
उनको शव बिहान स्थानीयले देखेपछि जिल्ला प्रहरी कार्यालय मकवानपुरमा खबर गरेका थिए ।
घटनास्थलमा पुग्दा अन्दाजी २४/२५ वर्षको जस्तो देखिने उनको शव उत्तानो अवस्थामा फेला परेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार, उनको घाटीमा बत्तिको तार बेरिएको थियो जसले गर्दा घाटीमा निलो डाम देखिएको छ । घटनाको प्रकृति हेर्दा अजिताको हत्या भएको हुनसक्ने अनुसन्धान अधिकारीहरुले जानकारी दिएका छन् ।
घटनाबारे विस्तृत अनुसन्धान भइहरेको प्रहरीले जनाएको छ ।