हेटौंडाको हर्नामाडीमा भेटियो महिलाको शव

हेटौंडा, ५ माघ । मकवानपुरको हेटौंडा उपमहानगरपालिका वडा नम्बर १८, हर्नामाडी जयतारस्थित एक महिलाको शव फेला परेको छ ।

आज बिहान स्थानीय अन्दाजी २२ वर्षीया महिला मिना अधिकारीको शव फेला परेको जिल्ला प्रहरी कार्यालय मकवानपुरका प्रहरी निरीक्षक ललन प्रसाद कुर्मीले जानकारी दिए ।

उनका अनुसार, मिनाको शव घर नजिकैको आलिमा फेला परेपछि स्थानीय बासिन्दाले प्रहरीलाई खबर गरेका थिए ।

मिनाको हत्या गरेको आशंकामा प्रहरी उनका श्रीमान एकराज अधिकारीलाई नियन्त्रणमा लिएको छ । उनलाई नियन्त्रणमा लिई घटनाको विषयमा आवश्यक अनुसन्धान गरिरहेको मकवानपुर प्रहरीले जनाएको छ ।

उनको शव पोस्टमार्टमको लागि हेटौंडा अस्पतालमा ल्याइएको छ ।