अवैध गुट्खासहित हेटौंडाबाट एक जना पक्राउ

हेटौंडा, १५ फागुन । मकवानपुर प्रहरीले अवैध गुट्खासहित एक जनालाई नियन्त्रणमा लिइएको छ । मंगलबार राति हेटौंडा उपमहानगरपालिका वडा नम्बर १० बसपार्कको सडक किनाराबाट अवैध गुट्खासहित एक जनालाई नियन्त्रणमा लिइएको जिल्ला प्रहरी कार्यालय मकवानपुरले जनाइएको छ ।

प्रहरीले राजनिबास नाम गरेको २ सय ९४ प्याकेट र तुलसी नाम गरेको २ सय ४० प्याकेट गरी ५ सय ३४ प्याकेट गुट्खासहित कलैया उपमहानगरपालिका ३ बस्ने लालबाबु केशरीलाई नियन्त्रणमा लिईएको हो ।

पक्राउ पर्नुभएको केशरीलाई नियन्त्रणमा लिई घटनाको विषयमा आवश्यक अनुसन्धान भइरहेको मकवानपुर प्रहरीले जनाइएको छ ।