बारा प्रहरीद्वारा अवैध घरेलु मदिरा नष्ट

बारा । बारा प्रहरीले अवैध घरेलु मदिरा भट्टी नष्ट गरेको छ । अवैध रुपमा घरेलु मदिरा उत्पादन भइरहेको भन्ने विशेष सूचनाको आधार खटिएको प्रहरीले घरेलु मदिरा उत्पादन गर्ने १२ वटा भट्टीबाट कच्चा पदार्थ नष्ट गरिएको जनाएको छ ।
बाराको कोल्हवी नगरपालिका वडा नं.१० बछनपुर्वा टोलमा रहेको भट्टीबाट मदिरा उतपादन गर्ने १२ हजार लिटर कच्चा पदार्थ र तयारी एक सय लिटर नष्ट गरिएको जनाएको छ ।

साथै प्रहरी चौकी मुसहर्वा बारा र अस्थायी प्रहरी चौकी बसपार्क समेतबाट खटिएको प्रहरी टोलीले बारा विश्रामपुर गाउपालिका वडा नम्बर ५ ईटियाही र कलैया उपमहानगरपालिका–९ मा अवैध रुपमा संचालित २ ओटा अवैध भट्टीबाट कच्चा पदार्थ पनि नष्ट गरिएको जनाएको छ ।